餅女齊集獨欠傅穎
前組合Cookies餅女區文詩為慶祝昨日29歲生日，前晚豪花五位數在酒店房舉行Party，三位好姊妹吳雨霏、鄧麗欣及楊愛瑾均有出席，唯獨遭杯葛的傅穎不獲邀請，她坦言生日只想見好朋友。
區文詩（Angela）前晚邀請40多名好朋友參加生日派對，外籍男友Peter預早前來打點及招呼朋友。
只請好朋友
剛與男友方力申在北京度歲的鄧麗欣專程趕返港出席，吳雨霏則抱恙與楊愛瑾到場，眾人均以紅Look示人，一直有傳與四女不和的傅穎卻未見蹤影，擺明遭眾人排擠。
壽星女Angela昨晚到澳門登台，她在電話中說：「已經有好幾年冇搞生日派對，加上明年係3字頭，想請一班好朋友吃喝玩樂，唔需要佢哋夾錢。（傅穎冇份？）我同佢只係舊同事。（唔怕傳不和？）唔理，生日只係想請好朋友，唔會因為外界而請我唔想請嘅人。」Angela坦言外籍男友有畀錢埋單。
吳雨霏更急不及待將四女的合照放上網：「我們又聚在一起了。」
吳雨霏（右起）、楊愛瑾及鄧麗欣一同為區文詩慶祝生日，姊妹情深。
區文詩的外籍男友Peter充當主人家，招呼友人並畀錢埋單。
歌手Kellyjackie（右）亦有到賀壽星女區文詩。