羅霖勁彈亞姐冇氣質

前亞姐冠軍羅霖前晚出席煙花匯演活動時,批評今屆亞姐質素一般,有份當評判的她以師姐身份教導兼評論,認為一班佳麗未見得有任何「星相」,冠軍馮雪冰亦不是她的心水。

名媛羅霖前晚偕老公劉坤銘及三名兒子,一家五口出席煙花匯演活動,她表示囝囝孝順令她感安慰,並指可以在農曆新年近距離欣賞煙花特別有節日氣氛,她的新年願望是世界和平及一家人開開心心。提到早前擔任亞姐初賽評判,羅霖認為今屆參賽者質素相當普通:「暫時未睇到有任何氣質,愈做愈紅氣質先會出嚟。」

羅霖又表示由於參賽者來自五湖四海,溝通上難免出現問題:「太多嚟自唔同地方嘅人,溝通上有障礙,內地人唔係好識聽廣東話,有啲香港人又唔係好識普通話,甚至講俄文嘅都有!」她認為自信心對一班亞姐十分重要:「唔好驚老而整容,反而係有女人味,而且成熟、有智慧、識自我增值嘅女性最吸引!」她又坦言今屆亞姐冠軍馮雪冰並不是她的心水。

為愛子抱恙出席

另外,同場的藝人洪欣愛子心切,為了不想囝囝被攝入鏡頭,故與他分開進場,她表示老公張丹峰已返回內地拍新片,並打算下月探望他。她又透露近日曾因腸胃炎入院:「不過應承咗小朋友會嚟,唔想佢哋失望。」至於演員李麗珍、關禮傑及前港姐張舒雅等亦有出席活動。

名人組

行氣質路線的羅霖嫌今屆亞姐氣質未夠突出。

羅霖坦言今屆亞姐冠軍馮雪冰並非她的心水。(資料圖片)

洪欣為免囝囝失望,抱恙仍帶他睇煙花,果然係廿四孝媽咪!

李麗珍為應節穿紅色衫到場,喜氣洋洋。

羅霖偕老公(後右二)及三個乖仔睇煙花,樂也融融。