基仔「賀年三寶」互質貪「糕」興
古巨基（基仔）、傅明憲（GiGi）及吳家樂因拍劇而成為老友，每逢新年必相約見面，爭住向家樂仔拜年逗利是，新春期間GiGi出埠滑雪度歲，家樂仔即說：「我只係派幾日！」GiGi笑言搵工人代她抱狗仔拜年，家樂仔竟口不擇言說：「你啲狗唔係死晒咩？」幸GiGi百無禁忌。基仔則自爆他們是「賀年三寶」，每次碰面都會互寸互窒，家樂仔見店內有醫痔瘡製龜苓膏的藥粉，竟搞笑地送給GiGi！「三寶」又攞蘿蔔糕互質，GiGi夾在兩男之間，完全冇還手之力！
GiGi及基仔又笑問家樂仔是否跳槽過檔王維基旗下的電視台？家樂仔即笑言是無綫人，GiGi也自爆王維基曾搵人接觸她，基仔即笑說：「你仲做咩？」家樂仔又寸嘴：「大家以為你退咗休！」不會復出幕前演出的GiGi笑說；「今年好想攞最受歡迎男歌星！」基仔說：「佢玩我就唔攞，畀晒佢！」
家樂仔（左）與GiGi合力餵基仔，好有口福唷！
吳家樂（左起）、GiGi及基仔玩作一團，十足大細路！