Fiona愛不怕遲：要來就來

新春期間，薛凱琪（Fiona）跟緋聞男友方大同許願拋寶牒，兩人形影不離，默契十足。Fiona覺得毋須為自身感情事許願，因她抱隨緣態度：「要來就來。」

方大同與緋聞女友Fiona率領周柏豪、連詩雅及樂隊Dear Jane到林村許願樹拋寶牒。兩人甫見面即雞啄唔斷，繼續否認戀情，大同表示跟Fiona是好友，Fiona也說：「同大同係好熟嘅朋友，見面機會好多。」她許願希望父親及愛犬身體健康：「開心係最緊要，已經係好貪心嘅願望，因為開心即係乜都有同好。」並笑言要集中念力達成願望，反而感情事則不用願望：「要來就來。」而音樂發燒友方大同，新年仍照常開工做音樂，他說：「做音樂唔會悶。」

連詩雅想扮精神分裂

至於連詩雅的願望是今年好過去年，希望在電影方面作不同嘗試，她笑說：「我想做精神分裂者。」柏豪則祈求身邊所有人身體健康，因婆婆近年身體欠佳，雖然知道婆婆最大心願是希望他成家立室及抱孫，但他說：「但呢兩年冇乜機會，我想畀多啲快樂佢。（假結婚氹佢開心囉！）玩到咁大唔敢。」柏豪更自爆近年少亮相電視，婆婆擔心他搵不到食，曾想過自製VCD氹婆婆開心，但最終沒有實行：「因為婆婆好醒。」而Dear Jane三子新年都會到Band房團圓，因為他們有隻公家狗，大家輪流照顧牠，也愛上Band房打遊戲機。