陳豪昨日出席商場活動，提到女友陳茵媺（Aimee）新年到他家過年，他說：「過年我日日要開工，但Aimee會上嚟我屋企拜年。佢屋企人喺外國，我都會打電話拜年。（見家長講婚事？）慢慢嚟，冷靜啲，拜年啫！」對於內地公司涉嫌盜用其肖像權，陳豪說：「我唔會出面理，交晒畀TVB處理，通常影合照，我來者不拒。（艷女晒事業線呢？）我係傳統男人，一定目不斜視，雙手收埋喺後面，人哋睇到張相都唔會信我唔正經。」
陳豪即場派朱古力，引來粉絲瘋狂搶奪。
