娥姐後悔冇雪卵子

劇集《結．分＠謊情式》演員商天娥（娥姐）和張兆輝等昨日齊夾錢食團年飯。娥姐表示農曆年會與老公到熱帶地方旅行，故前晚提早與家人吃團年飯，更預早派利是給父母及兄弟姊妹，老公為她準備五位數字利是錢。問到是否旅行「造人」？她笑說：「之前有人話我蠢，話應該廿幾歲嗰陣攞啲卵子、精子去雪。（搵邊個啲精子去雪？）雪我自己嗰啲之嘛！（後悔？）咁又唔係，佢哋話可以搵代母。（怕痛唔自己生？）我怕唔靚吖嘛！」

早前曾表示不續約無綫的娥姐透露，樂易玲昨日致電給她，問到是否動心？她表示要再詳談。而張兆輝則表示新年會留港休息及拜年，暑假才帶小朋友旅行補數。

謝雪心（右起）夾餸給娥姐和張兆輝食，齊齊提早迎新歲。