關心妍謝絕經典騎呢舞

相隔8年，關心妍昨晚再踏紅館舞台，她感激歌迷再次令她夢想成真，更笑言今次不會有處女個唱時的騎呢舞步：「咁經典嘅場面唔會出現。」

關心妍（Jade）昨晚舉行一場《關心妍Jade Sings演唱會2012》，三面台、九千個座位約九成入座率，吸引同公司的鄭融、HotCha的Winkie、舊公司的鄭欣宜、許廷鏗和舊老闆何哲圖等撐場。Jade的老公楊長智與Jade媽齊齊現身，而老闆薛嘉麟拖實剛流產的未婚妻諸葛紫岐到場，星光熠熠。

舞台營造噴水池Feel

化了閃妝、穿上黑白Tube Dress襯六吋高踭鞋的Jade，由台中升起，並唱出金曲《以身試愛》及《無話再講》。為營造「噴水池」Feel，台左右兩邊有多條水柱，極具創意，Jade說：「你哋好，我等咗好多年，好開心，多謝你哋買飛支持我，令我再一次夢想成真。」隨即問歌迷有否支持她04年舉行的處女演唱會。

由於當年其舞步被評為「騎呢」，Jade笑說：「如果有睇過，一定記得騎呢舞姿，大家放心，咁經典嘅場面唔會再出現。」接着 再唱出經典歌《負擔不起》。另外，Jade為配合個唱特別推出新EP，並在場館外發售，吸引數十歌迷排隊搶購，EP分個唱紀念版及簽名版，隨碟附送海報。