擁有32C美好身材的台灣女星趙彤（Yedda），為了迎接新一年，特意到Spa店浸玫瑰浴扮靚，一來喜愛玫瑰香味，二來貪紅色玫瑰可以旺一旺。剛與前公司約滿的她，今年計劃攻內地和台灣，問到是否想做女強人賺大錢？她說：「梗係想！最好事業愛情兩得意。（想拍拖？）女人始終係搵個好歸宿好啲，兩樣都想！」曾與霍啟剛傳緋聞的她，對於有傳男方跟郭晶晶會在龍年結婚，她說：「如果係真嘅話會恭喜佢哋，希望佢哋早生貴子！（爬佢頭閃婚？）唔會！我不嬲稱呼佢做阿哥，梗係阿哥行先啦！」
趙彤趁新年前浸玫瑰浴，既可扮靚又可催旺運程！
