票房攞頭威志偉喜上囍

嬲完一輪，張馨予昨晚收拾心情與曾志偉、毛舜筠、馮淬帆、黃宗澤（Bosco）、苟芸慧、高海寧及孟瑤等出席《2012我愛HK喜上加囍》首映禮，並齊齊換上中式嫁娶服飾，為醒獅點睛搞氣氛。

志偉率先報捷，表示《2》片昨日中午的場次單一票房以22萬元撼贏黃百鳴新片《八星抱喜》的12萬元票房。已連續兩年於賀歲檔撼贏對方，問志偉會否想三連冠，他說：「希望啦！知佢部戲口碑唔錯，傳短訊恭喜佢，佢冇覆，唔知係咪驚？不過我最想係觀眾睇晒兩部，希望大家票房都好！」而記者昨日以電話訪問黃百鳴，他大方恭喜志偉：「十二點場都有22萬，都唔知點解，可能佢有好多朋友同客戶啦！我哋另一個市場喺內地，佢哋估計今年內地都上唔到，可以專心全力香港市場！加上有咁大個電視台，開始贏都應該。」

至於Bosco大讚同片的何韻詩好咀：「估唔到佢個嘴咁軟，仲可以吸到我成個男人嘴。」他續透露吳卓羲沒有客串《2》片，至於有傳同公司的黎彼得過檔王維基旗下，他表示不知情。