張德蘭開騷唱顧嘉煇

前輩歌手張德蘭昨日出席《當張德蘭遇上顧嘉煇演唱會2012》記者會，宣布下月假伊館演出兩場，屆時會大唱顧嘉煇的經典作品，並誠邀對方任個唱的音樂顧問。久休出山的她，坦言相當緊張：「我有8年冇開騷，都有少少緊張，不過我唔敢諗太多，怕影響抵抗力！」曾與汪明荃、沈殿霞及王愛明組成經典組合「四朵金花」的她，預告會有新嘗試：「今次我會試吓又跳又唱，對我嚟講係好大挑戰！籌備呢個騷，令我學識好多嘢，喺音樂旅程上有好多得益！」

張德蘭闊別多時，保養得宜。