謝婷婷昨日與陳茵媺出席活動，問到今年是否與男友安志杰結婚？婷婷說：「要睇吓係咪世界末日，冇人知o架！（哥哥霆鋒係咪同張栢芝復合？）我唔知喎！如果新年霆鋒喺香港，我哋可以一齊團年！（栢芝會唔會嚟o架？）唔清楚，佢哋兩個都係大人，開心就得！（霆鋒話再講復合就打人喎？）哈哈！好似爸爸！真係有遺傳，呢個係好嘅處理方法！」至於同樣被追問婚期的陳茵媺笑說：「慢慢嚟啦！（今年會唔會嫁呢？）大家相處吓先，始終咁大嘅決定！」
婷婷（左）與陳茵媺被追問「嫁」期，齊齊笑着「耍太極」。
