舊愛Mika同場 錢景峰否認劈腿
已甩拖的許穎師妹蕭美卡（Mika）及郭秀雲兒子錢景峰，前晚前後腳現身時裝騷，有指錢景峰拍拖期間一腳踏兩船，問Mika有否與舊愛打招呼，她說：「唔係太熟，唔太好，唔開心搵都冇意思。（佢一腳踏兩船？）問佢媽咪，我唔清楚，如果係，我會嬲嬲哋囉！（佢性格點？）好似佢媽咪咁講，太小朋友。」
至於自爆拍過5次拖的錢景峰則堅稱沒有劈腿：「同Mika成年前已經分咗手，依家嘅女友係Erica，我哋一齊咗9個月，大家分隔兩地讀書，佢喺英國，媽咪都鍾意佢。（你一腳踏兩船？）冇可能做到啦！我要讀書！」
