君如添B唔限親生
吳君如日前與新片《八星抱喜》拍檔杜汶澤及熊黛林宣傳時，坦言愛女陳是知一直想有弟妹，最搞笑是陳可辛竟順口開河告訴囡囡其實她有個妹，君如笑說：「係都好，攞BB返嚟囉！慳工夫添！」談及趕生「龍B」，君如說：「身體機能同骨膠原都唔及幾年前，依家做嘢開心啲。前兩年真係有諗過，仲計劃過搵代母，亦諗過收養，但原來手續一啲都唔簡單。」阿澤聞言即表示要為她介紹中醫，君如抵死地說：「聽日就去睇囉！身邊好多朋友都話介紹畀我呀！」
前日，君如再偕阿澤、古天樂及楊冪等在北京出席《八》片首映，阿澤指熊黛林為演好盲妹角色，不惜脫下隱形眼鏡，工作人員見狀都笑作一團，而古天樂更笑到標眼水！
阿澤嘟嘴搶君如鏡，熊黛林（右）不禁眼望望。
黃百鳴（右起）率領楊冪、杜汶澤、古天樂及君如等，在北京出席首映。