熊黛林「小朋友」唔跟城城姓
熊黛林前晚欣賞時裝騷時，大讚男友郭富城的愛駒名字改得好，雖然賭術不精，但她仍打算落注捧愛郎的愛駒場，果然愛屋及烏！她還自爆家中已有兩名「小朋友」，但並非跟城城姓郭！
熊黛林（Lynn）前晚出席貿發局舉行的《香港．華麗秀》時裝表演，同場還有陳煒、鄭融及Alice B.等，而模特兒戴小奕、姚予晴、陳碧舸及Ana R.等行騷，其中Ana R.不慎在台下仆倒，甚為狼狽！
對於男友郭富城的愛駒即將抵港，Lynn坦言知情，並說：「好似叫『愛的呼喚』。（你好留意喎！）之前有記者問過我。」她大讚名字改得好：「個名好經典，一聽就知道係佢嘅。（會唔會落注支持？）一定要，當支持吓朋友，呢個係心意，我都唔識賭！（叫城城教你賭？）我乜都買吓。（叫佢將愛駒改成你個名？）唔使！」
行花生騷仆慣
談及Ana R.仆倒，Lynn坦言不時發生，並自爆有次整個人坐在台上：「我一直保持笑容，用手除咗對鞋，繼續好靚咁行騷，觀眾都為我鼓掌。我見過有模特兒跌到四腳朝天，要畀人扶或者拖落台。」
Lynn在另一活動上又被人將戀情拿來開玩笑，當被追問婚期時，她尷尬地說：「我未儲夠私己錢喎！我結婚一定唔會唔講，因為希望有大家嘅祝福。（同城城有共識？）呢個係我自己嘅諗法，每個人處理方式唔同。」她笑言已有兩個「小朋友」（指其愛犬），故不急於結婚，問到其「小朋友」是否姓郭，她搞笑地說：「依家暫時姓熊囉！」
自言不急於出閣的熊黛林，努力工作儲私己錢。
熊黛林（右起）與陳煒及設計師何國鉦睇騷時談笑風生。
身穿拖尾長裙的名模Ana R.，在台下不慎仆倒。
Alice B.以性感透視裝睇騷，非常養眼！
模特兒演繹的華麗服飾，風格極為獨特。
成功收身的鄭融，罕有性感睇騷。
姚予晴身穿Deep V貼身服飾行天橋，極有台型！