陳敏之收男友貼身禮物
今日生日的陳敏之昨日出席活動，壽星女表示會與朋友及男友吃飯慶祝，還甜蜜透露已收到男友的生日禮物：「係家庭用品，好實際。可以享受嘅，係好貼身同好舒服嘅嘢。（會唔會再收到戒指？）唔會啦，佢用晒啲錢喺份禮物度。」敏之又大讚林峯EQ高，見慣大場面，所以以《Chok》奪勁歌金曲金獎後，雖然被網民搞惡也沒有影響心情。
同場的呂慧儀穿上See-through大露背行騷，腹部微微隆起，孕味甚濃，她卻立即否認：「唔係，頭先食咗午餐過嚟，係午餐B。」她表示與老公同樣喜歡小朋友，尤其渴望生女，生BB要順其自然，完成手頭工作後便會去蜜月旅行，不排除會兩人去三人返。
陳敏之一身裝扮既費時又不便，但她仍一臉笑容工作，非常專業。
恨生B女的呂慧儀搭着小女孩眉開眼笑。