志偉暗寸「馬國法拉」奸樣
曾志偉與毛舜筠率領組合EO2、胡渭康及朱咪咪等昨日到粉嶺拍攝賀年特輯。志偉表示本周日（年廿九）會到美國登台，毛毛則留港度歲。提到華姐賽果，前晚擔任司儀的志偉直認爆冷：「都以為香港代表朱晨麗會入三甲，冠軍張曦雯係爆冷！所以話，評判幾重要？季軍林家冰（『馬國法拉』）個樣就適合拍戲，但啱演反派。」
對於新片再與勁敵黃百鳴同期上映搶賀歲票房，志偉希望觀眾睇勻兩部，但忍不住寸對方的新片似自己的舊作：「都係大堆頭、加插好多歌咁囉！（點解套戲唔用林峯首《Chok》？）留畀黃百鳴，等啲觀眾睇到Chok。」
同場的沈卓盈表示支持好友徐淑敏搞美容生意，雖暫不考慮入股，但願做白老鼠試產品。
志偉與毛毛有醒獅作伴提早賀歲，零舍醒神！
EO2（圖）、高鈞賢、黃長興及沈卓盈到圍村食盆菜迎新歲。
(左起)高鈞賢 黃長興 沈卓盈
朱咪咪（左）與胡渭康（右）拍特輯之餘，更可一享口福。