Kay唱到甩鞋 着定厚衫等雪
謝安琪（Kay）一連兩場紅館演唱會前晚完騷，未見有傳關係惡劣的唱片公司高層黃劍濤及同門歌手捧場，老公張繼聰則舉家力撐，阿聰更捨棄舞台劇的慶功宴，抱住兒子張瞻打氣。演唱期間，Kay因落台位太黑，加上腳踏6、7吋高踭鞋而差錯腳，連鞋也飛脫，要勞煩工作人員為她拾回再穿上，幸好未有受傷，她表示「驚爆」：「跌一跌，乜都唔記得。」她稱和環球的合約仍在傾談中，會交由成熟又為她着想的經理人夏森美負責，自感與唱片公司關係友好，陳奕迅、吳雨霏及黃劍濤曾致電及送花打氣，問到可能會遭「雪藏」？她似心裏有數說：「咪着件厚啲嘅衫囉！」又指最重要雙方免傷和氣。
Kay暫時放下合約問題，在個唱中賣力演出。
Kay不慎Kick甩鞋，由工作人員為她穿回。
被爸爸張繼聰抱着的張瞻，為媽咪打氣。