城城錫晒愛駒「愛的呼喚」氹Lynn

郭富城的新愛駒將於下周抵港，他正為命名而煩惱。雖沒詢問緋聞女友熊黛林（Lynn）的意見，但城城打算以其金曲歌名命名，目前大熱是「愛的呼喚」，似是憑歌寄意冧Lynn！

郭富城昨日到沙田馬場出席Kent & Curwen活動時透露，新購入的愛駒將於下星期抵港：「佢三歲大，喺新西蘭嚟，揀佢因為佢靚仔！但佢應該未咁快出賽，要適應咗香港水土先！」問到會否以歌名來命名？他表示會在自己的金曲歌名中挑選：「好似狂野之城、愛的呼喚、動起來等等，大熱係愛的呼喚！（問Lynn意見？）冇喎！（有傳Lynn家人來港傾婚事？）唔係事實唔回應。」

而問到是否希望拉頭馬？城城表示順其自然，但愛駒出賽定必捧場，又透露與好友張智霖及另外兩名好友一同抽中為馬主。城城與同場的英國皇室成員Peter Mark Andrew Phillips非常投契，他說：「佢問我識唔識騎馬，我答只係拍戲時先識。」

皇室成員搏殺

而Peter Phillips透露曾在港居住兩年半，妻子懷了第二胎的他笑說：「以前成日畀馬會拎晒啲錢，希望今日贏番！」此外，同場的溫碧霞及老公何祖光表示將於下月赴貴州，出席他們創立的學校建校典禮。另外，朱玲玲及丈夫羅康瑞亦雙雙出現，但不願受訪，而霍啟山則匆匆到場。