林超賢新春留家等票房
林超賢助霆鋒登上金像影帝之位，二人合作無間，《逆戰》在內地未正式上映，已有不錯口碑及反應，令一向Cool爆的霆鋒近日宣傳顯得落力非常，前晚首映禮上更以「Chok爆Look」現身。受訪時直指希望於Sky 100牆外爬行拍戲，再次挑戰自己。林超賢說：「佢敢做，我敢拍，冇理由畀Spiderman（蜘蛛俠）威晒。」
對於霆鋒與周董擦出的火花，林導非常欣賞，原來已滿肚密圈希望再「撮合」他們：「其實我有古仔諗緊，不過當然要睇呢套嘅反應先啦！如果香港有得三、四千萬票房，我即刻付諸行動。」他打趣指雖然緊張心情已放鬆不少，但農曆新年間會留在家中「等票房」，相信這個新年過得特別緊張！
林超賢有意再「撮合」霆鋒與周董拍攝新片。