Stephy殺手唔易做

近年轉戰內地搵人仔的鄧麗欣（Stephy），接受ontv獨家專訪時大談拍戲趣聞，她坦言想在電影中有更多嘗試，但提到首次揸槍拍戲非常辛苦，大嘆演殺手並不容易！

甚受歡迎的網站ontv邀得不少藝人接受專訪，近日不少網友留意鄧麗欣在ontv暢談拍戲趣聞，雖然她經常在內地拍戲，但會不時回港，她表示想演更多不同類型的角色，最近拍新戲亦十分難忘。提到首次揸槍拍戲，她表示印象深刻，因為支槍比她還重，令她大叫辛苦，每次拿槍都要勞師動眾，要幾名大漢為她拿槍，她說︰「因為我要揸大槍同埋大炮拍攝，但係啲槍重過我個人，梗係搬唔郁啦！所以每次只可以拍十幾秒。」雖然殺手唔易做，但Stephy未有因此對槍怕怕，直言有興趣再做殺手，她說︰「雖然拍嗰幾場戲唔易，但覺得好好玩，想再試。」

對拍檔Juno改觀

此外，Stephy覺得拍戲可認識更多圈中人，提到與麥浚龍（Juno）首次在新片中合作，飾演富家女的她與Juno有不少對手戲，才發覺對方充滿幽默感，並經常在片場發放笑彈。Stephy直言每日工作都充滿笑聲，因此她對Juno完全改觀：「我一向都以為Juno好Cool好神秘，但同佢做嘢之後，覺得佢好大細路，一班人聚埋就會成日玩遊戲，但如果一埋位又會好認真。」想了解更多Stephy拍戲的趣事和經歷？想知道更多圈中藝人的動向，Click入ontv去片啦！