陳倩揚囝囝 7個月人仔賺奶粉錢

前港姐陳倩揚的BB雖然只有七個月大，但已吸引不少廣告商垂青邀請做「主角」，賺到第一桶金！

陳倩揚的BB剛剛七個月大，正牙牙學語，加上愛笑，不少友人皆盛讚他夠可愛，難怪獲不少廣告商垂青。早前，陳倩揚兩母子「合作」拍攝奶粉廣告，其他產品如BB食品、玩具及健康產品廣告等則在洽談階段。對於囝囝年紀小小已有「搵食」能力，陳倩揚笑說：「佢搵到自己第一筆奶粉錢，但呢啲都係錦上添花，拍廣告前都會傾清楚，最緊要佢開心，唔會逼佢又喊又笑，拍廣告當係一個家庭活動。」

拒強迫學習

陳倩揚指囝囝現正上以遊戲為主的學前班：「希望佢做一個開心嘅BB，我都係用番自己成長嘅方法嚟教佢，我覺得最緊要開心！大個咗自然做乜嘢都有幹勁，唔使逼佢都會主動學習，希望佢開心成長。」而她生BB後，透過Facebook與一班媽咪交流湊B心得，因而認識了不少新朋友，她說：「我湊BB好開心，一啲都唔覺得辛苦，反而嫌每日時間太少，希望有48小時對住佢就好。」