樂瞳梁嘉琪為目標跳躍

無綫藝員樂瞳、梁嘉琪及周子揚新一年新大計！樂瞳決意再闖樂壇，以Sweet爆形象冧宅男，不滿身材的她更恨做豐胸代言人，揚言孖住姊妹梁嘉琪升Cup做索女！

一年之計在於春，無綫小花樂瞳相約同門的梁嘉琪及周子揚定下新目標，並齊齊跳起寓意飛躍進步！榮升宅男女神的樂瞳，除繼續拍劇外，今年準備再攻樂壇，期望有一首令人耳熟能詳的代表作：「形象都係少女味重啲，慘情同Sweet歌都有，相信Fans會有共鳴！」

主力做主持的嘉琪去年憑《女拳》獲讚演技，今年將有兩劇播出，她直言期望甚大，希望觀眾留意其演技！而最近忙於主持飲食節目、到處搵食的嘉琪，瘦底的她增磅不少，不過她透露只肥在肚腩位，未能令身材更驕人：「肚腩大咗，啲牛仔褲都唔啱着！（升Cup挑戰高海寧？）嘩！仲爭好遠，我都羨慕佢啲肉生得咁啱位。」提起美食，身旁的樂瞳羨慕不已，可惜她直言易肥，望新一年身材更索，不惜開口講明想做豐胸代言人升兩Cup：「最想對腳幼啲，『上面』都想有增長，咁就完美。」她坦言羨慕苟芸慧身材出眾兼有氣質。

周子揚事業愛情兼得

至於歌手周子揚最近簽約無綫，望多拍劇擺脫乖仔形象：「唔一定要斯斯文文，我可以玩得好癲，加上識樂器，啱晒拍《天與地》呢啲講Rock N Roll嘅劇集。」提到早前與模特兒徐靖雯傳緋聞，他表示兩人很夾，坦言想有進一步發展。