Anjaylia養好身體再溝仔

「邦民女」陳嘉寶（Anjaylia）日前過了一個非常熱鬧的22歲生日，全體公司模特兒特地為她製造驚喜，令她非常開心，她希望新一年遠離病魔，但不急於搵男友。

日前滿22歲的「邦民女」Anjaylia，生日前一晚跟同門模特兒包括蔡穎恩（Evelyn）、Girls Kingdom和Icongirls一起行騷，完騷後，眾人特地為Anjaylia送上驚喜，原來大家早已把熊仔蛋糕「偷運」到會場，令Anjaylia大為興奮，但她竟不捨得吃掉蛋糕：「其實之前我都估緊佢哋會唔會同我慶祝，但冇諗過會有個咁靚嘅蛋糕，仲有咁多人陪我過生日，真係好開心。」

望考試高分

由於去年身體出現毛病，Anjaylia希望踏入22歲後健健康康，她說：「上年好多病痛，內分泌失調之外又整親尾龍骨，雖然已經好番，但唔想新一年咁多病痛。」剛考完試的她更笑言想收到高分數成績表作生日禮物：「如果考試成績係高分就最好喇！我讀埋下年，今年會出去做實習，希望可以做一份唔錯嘅實習啦！」

工作方面，Anjaylia自言大個女，希望嘗試更多不同的電影角色，她說：「我會繼續向電影圈發展，可以試吓做比較成熟嘅角色。」至於會否希望新一年找個男友，她笑說：「哈哈！呢方面真係唔敢諗住，諗讀書同工作先啦！」