小寶讚偉仔冇語障
英皇電影《大魔術師》集合梁朝偉、劉青雲及周迅鑽石級陣容，幕後則由金像導演爾冬陞（小寶）執導，炮製創新之作。小寶日前接受訪問時，對雙生一旦讚不絕口：「偉仔同青雲起初知要全程以普通話拍攝都好疑惑，偉仔普通話幾好，青雲有搵老師學，雖然錯咗照講，但冇畀語言影響演出。有啲導演拍死一個題材，我樣樣都試，唔熟嘅題材，你會專心啲拍，退休前我仲想拍多5、6部戲。」
小寶解釋戲中一段導演如何被「賤視」的劇情，他說：「開玩笑啫！唔使過分解讀，唔係我夫子自道，亦唔係為同業伸冤，冤屈唔係同內地合作至有，唔開心唔好做，冇乜好怨！傾合約時講清楚，或者搵我做監製，情況唔係咁惡劣，拍戲係權力遊戲，你有成績，話事權就大，每行都係咁！」
小寶希望退休前再拍幾部電影，為影壇再出綿力。
片中偉仔造型多多，煥然一新！