Mag胡鴻鈞貪「糕」興心有靈犀

樂壇新人王林欣彤及胡鴻鈞雖然傳了1年多緋聞，但無礙二人感情，密密以情侶檔接Job。談到賀年食品，他倆更不約而同Like年糕，好啱Feel喎！

林欣彤（Mag）及胡鴻鈞（Hubert）以樂壇情侶檔姿態向大家拜早年！阿Mag以自己的名字想了兩個好意頭的「食字」揮春：「我希望今年市道『欣』欣向榮，亦都希望樂壇可以世界大『彤』，做多啲好音樂！」Hubert亦寫了兩幅揮春：「我個名叫鴻鈞，咁祝大家大展『鴻』圖，雷霆萬『鈞』啦！」問到喜歡甚麼賀年食品？阿Mag笑言爸爸懂自製年糕，可以讓她「坐定定等食」，而Hubert與她的口味恰好一樣，認真心有靈犀！

二人的緋聞由出道初期傳到現在，不過阿Mag的另一緋聞男友、同是「巨聲幫」的羅孝勇聲勢則不及Hubert，極少機會與「女友」合作，對此Hubert說：「佢其實都有其他節目做，我哋都會努力！」不過他承認與阿Mag相對的時間的確比較多。問到緋聞可有影響感情？Hubert說：「冇呀！其實冇所謂，都慣咗！」

望龍年事業直上

阿Mag都睇化緋聞，今年只希望事業上有更好發展，有更多自己的創作，實行做一個唱功與才華兼備的歌手。此外，她祝讀者每一個都身體健康、開開心心：「我希望大家都可以好似我咁，以自己興趣做事業，工作順利！」而Hubert則說：「我希望香港人可以支持多啲廣東歌，支持自己人！」