39歲小環獲贊助做追B族
現年39歲的前港姐譚小環離開無綫後，近年開始享受人生，更心思思想做媽咪，就算高齡懷孕不易，都可以搵醫生幫手做人工受孕！
小環早前跟老公拍拖去台灣慶祝結婚周年紀念，令她十分回味：「冇做嘢之後，成個人都輕鬆晒！不過老公工作好忙，我欣賞男人事業為重，只要佢抽時間聽我講心事就夠！」
夢想移民泰國
結婚4年的小環，最近加入追B行列：「覺得自己夠成熟做媽咪，連老公都話想要個Mini版Baby！」39歲的她已開始調理身體，為懷孕做好準備：「有醫生朋友話贊助我生BB，哈哈！」
自從跟無綫解約後，小環沒有工作壓力，可以調理身體為生B做準備：「雖然想做媽咪，但自己唔心急，一切順其自然！依家得閒就去吓旅行，我同老公都鍾意去近近哋嘅地方玩，最鍾意就係去泰國，又近又方便，消費仲好便宜！我哋仲諗過將來可以嘅話，移民泰國都唔錯，老公都諗過喺嗰邊買樓投資！」
譚小環「退休」後身心康泰，人都靚啲啦！
小環自覺已準備好，是時候升呢做媽咪。