Jade透視裝谷胸開騷
關心妍（Jade）日前為紅館演唱會試新裝，分別穿上透視花花短裙及喱士透視長裙，顯示她努力減肥的成果，而另一套逾20萬元的鐵線晚裝將於日內運到香港，她說：「我好期待呢套衫，因為係全港獨一無二，依家設計好特別，裙襬可以放上亦可擺下，我今次花咗逾80萬置裝。」她為演唱會準備的水晶高跟鞋則由老公所送，她心甜地說：「對鞋要成4萬幾，但我覺得價錢係其次，因為我一句話鍾意，老公搵勻全港幫我搵返嚟，我感動到喊。」
Jade現時僅得96磅，昔日的33D好身材已不復見，她坦言知上圍欠睇頭，故開騷時要進行「僭建工程」，她又開始狂灌木瓜生魚湯，希望在數日來谷出豐滿上圍！
關心妍穿上短裙仔大騷減肥後的Fit爆身形。
關心妍穿上喱士透視長裙，凸顯高貴性感！