顏卓靈笑臉「濟世」
有「齙牙薛凱琪」之稱的影壇新人顏卓靈（Cherry）
，日前與粉絲開P慶祝18歲生日，大玩遊戲及切生日蛋糕，親切的Cherry逐一為粉絲簽名及寫下感謝字句，氹得大家相當開心！
Cherry擁有一張甚有感染力的開心笑臉，生日願望不是賺大錢，而是由自己做起，為身邊人帶來歡樂：「我覺得世界好多灰暗事，我想大家笑多啲，會叫粉絲一唔開心就睇吓我啲相！新一年亦想學樂器，透過音樂同大家溝通！」提到終滿18歲，她笑言未心急睇三級片，反而最想學車，並指好友已為她準備表格，亦有好友送單車供她代步。
