Kay獲張繼聰愛心鏈給力

今日開紅館騷的歌手謝安琪，昨日戴着老公張繼聰送的手鏈綵排時，坦承經理人與環球溝通出現問題。而環球高層黃劍濤則表示若談不攏，希望和平分手！

謝安琪（Kay）昨日為一連兩晚的紅館騷綵排，戴上老公張繼聰所贈的Good Show手鏈，即席表演現代舞。對於有傳她以3百萬元向環球提前解約，她表示只屬傳聞，沒從公司或經理人夏森美方面聽到，但她承認雙方溝通有問題：「雙方Management（管理）上面要磨合，交畀佢哋處理，我專心幕前工作！（咁多年都未磨合到？）近幾年公司經歷咗好多問題要處理，自己經驗唔多！」

與Kary私訊溝通

Kay又澄清：「有個錯誤講法，話Kary（吳雨霏）入咗環球後，森美幫我爭取好多嘢（工作及播放率等），冇咁嘅事！我好欣賞同錫Kary，佢發展順利，我衷心替佢高興！」她坦言會跟Kary互傳短訊或以電話溝通。問到環球唱片高層黃劍濤（Duncan）會否欣賞其個唱？她表示已邀請公司同事，但要看大家有否工作在身。

對於有傳Kay提前解約，Duncan昨日出席張學友巡唱記者會時表示，並非Kay主動要求，但承認與夏森美溝通有問題：「係有問題出現，不過唔關Kay事，依家就雙方合作提出幾個方案，等緊回覆，萬一傾唔到，都希望和平分手！」