陳慧琳教蝦餃仔認福
大肚的陳慧琳（Kelly）日前宣傳賀歲片《八星抱喜》，聯同吳君如、黃百鳴及杜汶澤為now錄影《八星抱抱開年宴》，節目將於大年初一及二播映，身為now揸Fit人的何麗全親自到場探班，首次參與now節目的Kelly穿上鬆身衫、平底鞋肚凸凸以潮媽打扮示人，她笑說：「要影相嘛！梗係要打扮得靚靚，唔通好烏Wear畀人睇咩！」
Kelly透露小時候要跪地向爺爺嫲嫲拜年，提到心肝椗蝦餃仔（劉昇），她說：「佢依家識睇福字，教緊佢講恭喜發財，暫時識講恭字。」她表示有留意早前的樂壇頒獎禮：「乜人都冇晒，好似唔熱鬧。（心態唔同咗？）已經唔係以前咁衝刺期，係全職媽咪。（青黃不接？）個個都唱得，歌手係需要靠好歌先捧得起。」對於有傳吳雨霏及謝安琪爭環球一姐？Kelly說：「唔會爭啦！相信係炒作。」隨即大讚兩人都是唱得之人。
肚凸凸的Kelly，穿上鬆身衫、平底鞋示人。
吳君如（左起）、杜汶澤、黃百鳴、Kelly、王賢誌、倪晨曦和何麗全錄影節目。