千嬅着六吋鞋 丁子高黑面

懷胎四個月一直靜待家中的楊千嬅，昨日為撐老公丁子高，專程坐直升機往澳門出席活動。她更犯險腳踏六吋船踭鞋現身，更懶理老公黑面。

楊千嬅昨日身穿紫色鬆身裙、腳踏六吋船踭鞋，在老公丁子高護航下，與吳彥祖出席於澳門舉行的亮燈活動；由於是次活動由丁子高公關公司主辦，明顯千嬅為撐老公，獻出證實佗B後出席公開活動的第一次。

吳彥祖扶實

平胸的千嬅，乘坐貢多拉抵達時被發現升Cup不少，她無論上落船或上落台，身旁的吳彥祖及大會人員均上前扶到實。千嬅接受訪問時坦言，穿六吋船踭鞋全因貪靚：「因為我唔想着大肚衫，呢條裙又長，所以要搵對六吋高嘅船踭鞋襯。」千嬅強調所穿的鞋相當穩陣，但自爆老公丁子高曾因而黑面：「但佢都知道我工作係要靚。」談到大肚出席活動壓力大，千嬅又再搞Gag：「你當我《玉女添丁》續集？」

未知仔定女

千嬅坦言現時最辛苦是戒口：「所有甜嘢、味精、咖啡、公仔麵，我瘋狂想食！但為咗小朋友要戒囉！」她又透露老公不想她外出，就連醫生也建議她不能站立太久，現時留家很苦悶，幸好奶奶很搞笑：「佢話你去賭場賭錢，贏就係女，輸就係仔，佢叫我去驗證吓！」她否認佗孖胎，又指暫時還未知道BB性別及未改名，但仔女也OK。因安胎肥了十磅的千嬅，卻未有回應有否升Cup：「大細同有冇奶係兩回事。」至於丁子高，活動開始不久即急不及待在微博上載千嬅玉照，更笑指她是自己的鬆弛熊。

同場的吳彥祖坦言要照顧孕婦很大壓力，他踢爆千嬅與子高一起坐直升機來澳門他表示未有時間造人，對於被指榮升龍爸的報道感到莫名其妙：「幾大整蠱呀！搞到個個親友都打嚟恭喜！」