子淇保安擺陣：我似有咗咩？

過着少奶奶生活的「千億新抱」徐子淇，力撐一班舊「戰友」開的模特兒公司活動，子淇性感上陣，艷壓群芳，還惹來大肚疑雲！

徐子淇前晚與父母出席舊拍檔新開的PRIMO模特兒公司活動，她穿上低胸晚裝，性感又高貴，而PRIMO旗下模特兒Mandy Lieu谷胸上陣最性感、傅嘉莉穿大露背、徐靖雯騷長腿！子淇戴上巨型鑽飾，對於記者埋身做訪問，身旁保安十分緊張，問到是否再懷身孕？她笑說：「唔係！減咗肥幾日，似有咗咩？（未講得？）唔係！可能之前一家人去外地旅行，啱啱先返仲有啲攰。」

現場有模特兒行騷，問到會否有心癮行貓步？子淇笑說：「唔夠膽啦！喺屋企着得靚啲行啦！」她憶述當年只是陪友人參加模特兒面試，結果自己當選：「我係好符碌咁入行，我又唔高又唔瘦，當初爹哋媽咪都反對，我求咗佢哋好耐，同埋為咗證明入行後成績冇退步，我好勤力讀書。」

「翻版」傅嘉莉嗌羨慕

對於時下模氾濫，子淇以前輩身份寄語她們多讀書：「知識係一輩子嘅財富。（點教導子女？）唔會逼子女溫習，會用鼓勵方法令佢哋自發讀書。」她表示若子女想入娛樂圈不會反對，但老公李家誠應該不會答應：「佢好傳統，喺我應承咗同佢結婚前一年，叫我唔好做，專心計劃結婚，同佢一齊，當然會尊重佢嘅意見。」

同場有「翻版徐子淇」之稱的傅嘉莉坦言十分羨慕對方：「佢之前做模特兒同演員都好成功，依家踏入人生另一個階段都好幸福。」而Mandy被問到會否因公司人才輩出而感到威脅，她說：「唔會，錢係搵唔晒嘅！有錢一齊搵！」