陳雅倫與內地助理小霞鬧糾紛，小霞昨日在微博大數陳雅倫不是。對此，陳雅倫說：「我唔需要澄清，我嘅朋友清楚我係咩人，佢冇資格講！」她直言小霞向外說三道四對她有影響：「佢咁樣做，職業道德何在？尋日先話唔會講藝人私隱，依家咁做，自打嘴巴！佢咁嘅職業操守，藝人要諗清楚放唔放個計時炸彈喺身邊！」她對小霞徹底失望：「我對佢好好，同佢鬧交之後，冇即刻叫佢走，只係想留佢喺房反省，之後我會連埋幫佢訂造嘅羽絨衫同工資一次過畀佢，點知佢愈嚟愈過分！」