諸葛喊唔停口認小產

名模諸葛紫岐（Marie）早前盛傳有孕，但在美國旅遊期間不幸小產，其未來妯娌陳法拉日前在公開活動上未待Marie回應，已率先代對方發言否認。但身為當事人的Marie昨日出席求子活動時卻親認小產，更數度傷心落淚，對於法拉的言行，她以「有啲嘢唔可以攞嚟講笑」來表達不滿有人亂噏！

諸葛紫岐由盛傳有孕到傳出小產，相當跌宕。昨日Marie與陳自瑤出席以求子為主題的活動《賀歲遊龍慶生展》，Marie穿四吋船踭鞋現身，雙手戴滿佛珠手鏈，左手無名指戴着戒指。未知是否觸景傷情，Marie出場時已神色哀傷，全程強顏歡笑，當她在台上接受大會訪問時，突然淚灑人前，並轉身抹眼淚。其後接受記者訪問前，亦與助手入廁所拭淚。

問到為何如此傷感？Marie只是點頭，伴隨眼淚不斷湧出，再問小產是否屬實時？她直認不諱：「係真！不過唔開心嘅事唔想再講。（唔休息一下﹖）會減少工作，做埋之前接落嘅工作就會放假，調理身體。」當問到懷孕多久，Marie語帶哽咽地表示過去的事不想再提：「呢幾日都收到好多好關心我嘅朋友嘅祝福，好多謝佢哋，希望自己勇敢面對。」

求子觸及痛處

至於為何早前陳法拉指她「冇事發生」？Marie初時以「唔想再評論其他人嘅行為」作回應，但隨即激動地說：「有啲嘢唔可以攞嚟講笑，我哋全部人都笑唔出。」說罷再度落淚，問到未來奶奶有否安慰她，她只點頭回應。對於是否自己疏忽，未待胎兒穩定便搭飛機出埠，她未有正面回答：「會調理好身子再努力過！（醫生有乜建議畀你﹖）叫我休息多啲，情緒唔好咁激動。（婚禮會唔會如期？）都會繼續。」而提到昨日活動以求子為主題，她稱工作在之前接下，前晚才得悉大會主題，說完又再轉身飲泣。

另外，有傳Marie擁有很多身份證及名字，她稱已交律師處理，不回應失實報道。至於有傳法拉08年已秘密結婚﹖她即面帶厭惡神色地說﹕「我唔想再講佢嘅嘢！」而法拉至截稿前一直未有回覆。