法拉急封嘴 拒做「諸」事喱

陳法拉日前罕有回應「未來妯娌」諸葛紫岐小產傳聞，指她根本沒事發生，但即被對方暗寸多嘴。法拉昨日出席活動時回復昔日封嘴態度，不敢多談！

與諸葛紫岐（Marie）屢傳不和的陳法拉，昨日為首飾品牌THOMAS SABO活動壓軸行騷，但焦點仍落在兩人的是非上。記者追問有關Marie小產傳聞？被暗寸多口的法拉即時封嘴：「之前回應過，唔再回應。（一直唔回應佢嘅事，但點解之前突然又講？）咁大件事，所以要問吓！」對於有指她心涼，法拉反問何謂心涼，經記者解釋後她傻笑說：「我真係唔知點樣答！要講嘅嘢已經講過，之前好認真答過呢個問題，為咗唔想令件事複雜化，所以唔會再答。（有冇再問你男友有關Marie小產嘅事？）我已經了解過事實，講過唔想再講。（Marie暗寸你多口？）唔會再答，你問番佢本人啦！（你口中所講嘅事實係咪佢冇小產？）我之前已經答過一次。」

團年飯等安排

話題一轉，法拉透露農曆新年將返美休息，問到是否沒時間與男友家人一起過年？她說：「要睇安排，其實一路都有食飯，或者提早食團年飯。（團年飯見到Marie？）未知！（分開定一齊食？）太私人喇！涉及到長輩同人哋嘅安排唔想講太多，呢啲係佢哋私人約會。」她再次強調未有被催生龍B，亦不會着急。

傳出小產後一直未有露面的Marie，將於今、明兩日出席活動，其中明日與荷里活名媛Paris Hilton妹妹Nicky Hilton、日本名模道端Jessica及蛯原友里同場較量。Marie指不想因私人原因缺席活動，又指未來奶奶常言人要向前望，所以會勇敢面對一切，明天會更好！