影帝劉青雲在英皇電影《大魔術師》的其中一場戲，可以一嘗當導演的滋味，拍攝內地演員閆妮浸泡泡浴的戲份，青雲笑言過足癮：「今次演大軍閥已經好有威嚴，可以為所欲為！（會唔會做導演？）冇天分，我覺得每個導演都有藝術家氣質，可以構思好多畫面，我自問冇呢個能力。」而拍攝該場戲時，工作人員為造出泡泡浴效果，竟放了過量肥皂入浴缸，差點淹沒閆妮！
青雲（左）對執導閆妮浸泡泡浴的戲份大呼過癮。
