楊愛瑾頻撲買餸 煮飯仔箍太子爺

與永安百貨太子爺郭永淳傳緋聞的楊愛瑾（Miki），早前開記者會透露自資出碟，揚言要工作至上的她，日前被發現為煮飯氹愛人，不惜頻撲行超巿買靚餸。

覓得有米男友的Miki，多次被拍得與郭永淳結伴行街。早前Miki公開表示自掏腰包邀製作人揀歌錄音，同時拜師學唱歌，誓要再度投入樂壇出唱片，直言今年工作至上。

雖然Miki口講不怕因投入工作而冷落男友，更說一日未結婚，仍未知對方是否Mr. Right，做女人不可只靠男人，可是她前日卻細心地行超巿，為煮飯氹男友而頻頻撲撲。

濕平有「斬獲」

前日下午4許，一身潮Look打扮的Miki在中環出現，剛由超級巿場步出的她碰見記者後友善地打招呼。問到去哪裏？她說：「去買嘢，但呢度冇得賣。」繼而便匆匆離開。離開商場後，Miki往附近櫃員機提取現金，然後徒步向中半山方向行，途經時裝店的她，女人愛Shopping的天性隨即發作，忍不住入內，不消20分鐘即大有收穫離開。

提着一大袋新衫的Miki繼續殺入超巿，全程主攻蔬菜及新鮮食品，揀完菜又揀薯仔，同時溫柔地講電話，全程電話不離手，為一餐住家飯落足心機。未幾，她便提着多袋戰利品匆匆回家，準備玩煮飯仔。