林峯接納噓聲 Chok出共鳴

林峯憑《Chok》贏得金曲金獎卻引來爭議，無奈的他直言處於被動，只可做好本分，但不忘讚曲詞出色，為港人帶來共鳴。

無綫愛將林峯昨日與倪晨曦到上水廣場出席活動，席上舉起約50萬元的金盃，祝賀在《勁歌頒獎禮》中擸多獎，包括亞太區最受歡迎香港男歌星及憑《Chok》奪得金曲金獎！提到不少網友不滿賽果，他表示有留意，認為做藝人很被動，但會當反對聲音是鞭策：「每個機構有自己準則，無奈每年都有意想不到嘅意見，我只可以做好本分，攞到獎的確係驚喜。（驚多定喜多？）一半半啦！壓力係大咗。（有成兩萬幾網友不滿？）大家有言論自由，我聽到唔同意見，新一年會做得更好。」問到會否很傷心？林峯謙虛地表示做得藝人就不理會個人感受，反而關心身邊支持他的人。

50年內奪男歌星獎

問到會否覺得《Chok》難與昔日金曲相比？林峯指此曲的確非大路，但不忘讚作品曲詞出色：「係首幾出色嘅快歌，對我係新嘗試，而且舊年出現呢個字，想畀香港人共鳴，亦代表我心聲。」提到林憶蓮指沒有聽過《Chok》及陳奕迅拿他開玩笑，林峯大方表示不介意：「佢哋係我好鍾意嘅前輩，大家明白遊戲規則。（TVB愛你變害你？）唔可以咁諗！有好多因素嘅。（攞埋男歌星獎？）哈哈！50年內啦！」

另外，堪輿學家麥玲玲席上將林峯與潘霜霜的舊情擺上台，批他命中忌水，名字涉及水或冰凍的女仔都對他不利，應找有火字邊及夏天出世的異性，嚇得他標晒汗！他笑言會開始留意適合對象，問到會否後悔遲了批命？林峯尷尬地說：「都係人生一個階段。」