助手微博追工資 陳雅倫：貪得無厭
昨日一名自稱於雲南幫女演員開工的小霞在微博留言，爆料指因袒護酒店服務員而被炒魷，至昨日用了很多方法都未能聯絡該女演員取得工資，所以她決定在微博公開事件，最終還指出該女演員便是陳雅倫（Ellen）！身在雲南拍攝電影《光輝歲月》的Ellen，昨日先以短訊回應，指04年開始僱用小霞，但對方貪得無厭，昨晨還傳短訊威脅她！
Ellen昨日接受電話訪問時說：「劇組好多人都知道我好錫佢，但佢愈嚟愈冇大冇細，唔識得尊重！可能依家佢有跟張栢芝，所以囂咗！成日講啲嘢都好過分！（欠佢工資？）套戲都未拍完，點計工資呢？我之前送畀佢嘅嘢、畀佢嘅錢遠超過佢10年工資百倍，點會為8日工資同佢嘈呢！」至於小霞昨晚接受電話訪問時，承認Ellen曾送她禮物，但她亦有不收工資幫Ellen工作，這次因收不到工資才公開事件。