丁子高唔畀大肚千出街
剛公布與太太楊千嬅「造人」成功的丁子高，前晚獨自捧城城場，其他捧場嘉賓包括何超雲與男友陳山聰、劉嘉玲、薛芷倫及鄭融等。提到城城在台上發生意外，他表示未有察覺：「完騷有入後台探佢，仲以為係演出一部分，真係戥佢驚險！（畀千嬅咁做？）唔好喇！呢啲唔啱佢，唱歌算喇！」他又大讚城城是香港數一數二有毅力歌手。
此外，丁子高透露千嬅懷孕3個多月：「唔會畀佢出街，等個BB大啲先安心，未知性別，仔女都冇所謂啦！（知千嬅有咗有激動？）我開心到唔識喊！最激動係有次千嬅出席活動，着住對7吋高踭鞋，條裙又長，我勁驚！」對於有指千嬅曾為BB進行唐氏綜合症檢查，他則稱只屬普通婦產科檢查。
丁子高未有察覺城城發生意外，還以為是演出的一部分。
超雲和陳山聰拍拖睇騷。