周麗淇兌現承諾 「除」三點式

周麗淇首套回歸無綫的劇集《我的如意狼君》大結局高收40點，宣傳時曾承諾有40點「乜都得」的她表示絕不食言，但卻不肯着三點式慶祝。

周麗淇（Niki）回歸無綫後拍攝《我的如意狼君》前晚播大結局，早前她宣傳時曾聲言收視有40點「乜都得」，如今大結局平均收視36點（約229萬觀眾），最高一幕更有40點（約255萬觀眾），該幕是「徐芯」回憶與「佟本善」相聚的時刻。對於好成績，Niki開心地說：「只要合理要求，當然絕不食言！（三點式示人？）都唔合理，冇Point唔會着。」還指今次為監製李添勝爭口氣。問到會否拍續集，她直言只要添哥一聲令下即埋位，並會與黃浩然商量搞慶功宴，最緊要大家開心。添哥亦表示非常滿意，超出「炮灰檔」成績。不過，無綫外事部副總監曾醒明表示接到15宗投訴，不滿結局太悲慘。

結局太慘接投訴

另一話題作《天與地》上周日亦播大結局，但收視只有34點（約217萬觀眾），曾醒明力讚該劇：「係神劇！靈魂劇！（有指《天》劇大結局被偷播係無綫陰謀？）冇可能自己人打自己人！」他指初步了解是美國代理外洩片段，內部正跟進中，還透露接獲近120宗電話及電郵讚《天》劇，唯一投訴指音樂恐怖及主題不道德。對於廣管局接到投訴，不滿《我》劇男主角死去及《天》劇中出現粗言穢語，曾醒明指出街前已經內部節目條例守則科審查，相信不會出現粗言穢語。

另外，有指《天與地》編審周旭明離巢，周旭明承認計劃中：「但未落實！（心淡？）計劃緊嘅時候套劇都未出街，係自己發展嘅計劃。」但他否認過檔到王維基旗下。