鄭嘉穎擴Sing運 密謀再出碟

鄭嘉穎縱然成為三料視帝，惜歌唱事業一直捧蛋，為圓歌手紅館夢，伯樂樂易玲前晚帶他跟英皇高層吳雨和Alex Fung會面，誓要借視帝霸氣再殺入樂壇。難怪眉開眼笑的嘉穎也不禁說：「真係傾得好開心！」

當年一個棒球小子Look，鄭嘉穎憑一張小白臉殺入樂壇，可惜撞正四大天王當旺時期，結果要「流落」台灣發展歌唱事業，在港幾乎人間蒸發。雖然之後他毅然棄歌從演，簽約無綫鹹魚翻生，今年更奪最佳男主角成為三料視帝，但其實多年來仍對未能圓紅館夢耿耿於懷。為圓愛將嘉穎心願，無綫高層樂易玲豈會袖手？她秘密安排嘉穎出席英皇飯局，密謀讓他再過歌手癮。

直認傾得好開心

前晚嘉穎與樂易玲同時現身九龍香格里拉酒店，只見英皇行政總裁吳雨先行離開，交由掌管演唱會製作部的Alex Fung跟二人面談。席間嘉穎甚少出聲，全程交由樂易玲洽談細節，只見樂易玲講到嚴肅處時指天篤地，似是為價錢問題「講數」，在旁的嘉穎沒有加插任何意見，只靜心聆聽。當Alex講述合作細節時，樂易玲緊張地將內容一一抄下，寵愛嘉穎的程度可見一斑。三人傾談良久始離開，問嘉穎是否跟英皇合作？他只說：「傾吓偈啫！」

近日嘉穎接受本報專訪時，曾坦承未能入紅館開騷是人生最大遺憾，對於今次有機會借視帝霸氣再戰樂壇，他在電話中說：「我係歌手出身，到依家都冇代表作，真係有啲遺憾！」問是否藉今次見面簽英皇殺入紅館？他說：「傾吓啫，唔知會有乜可能性，睇吓有乜嘢可以做！」談到進展？他難掩開心聲線：「傾得好開心！」

樂易玲則說：「同英皇唔只傾唱片，佢（嘉穎）都想拍電影。最慘係連錄音都冇時間，為《拳王》主題曲錄音都要度期，錄唱片梗係要更多時間啦！」而吳雨則對嘉穎簽英皇一事三緘其口，只說：「咁啱撞到，傾吓偈！」

另覓經理人照顧

今年賺到嘔的嘉穎保守估計已狂吸半億，忙得不可開交。據知，因為負責照顧他的無綫經理人Cindy同時要兼顧陳法拉、徐淑敏等，分身不暇，嘉穎的工作又排得密麻麻，無綫遂將會特別為他聘請新經理人，一對一專責照顧他，三料視帝果然零舍不同！