李蘊爆有人埋身 向劉謙示威
歌手李蘊與台灣魔術師男友劉謙感情要好，縱使分隔兩地，仍無阻兩人感情增長。李蘊日前出席活動，問到日前聖誕可有送禮物給男友？她說：「冇呀！（你飛過去搵佢？）冇呀，我有工作做。」問到會否擔心男友身旁出現「飛來蜢」？她充滿信心地說：「咁我都有人埋身。」隨即哀求記者不要追問感情事，問到是否公司施壓？她說：「唔想次次都講感情，希望大家焦點放喺我工作上。（怕講得多會分手？）唔係，好多嘢係你就係你，我畀好大空間對方。」醒目的她即宣傳新歌：「我首新歌《戀愛攻房》係講女仔畀男仔追時點處理。（你好有經驗？）唔好咁講！」
