陳偉霆豪裝住家 「箍」阿媽

陳偉霆今年繼續事業、愛情雙旺，但他未有忘記勞苦功高的媽媽，打算自掏逾六位數字粉飾家居及送按摩椅給她，讓「另一至愛」有個安樂窩。

陳偉霆（William）今個聖誕節仍舊在工作中度過，會到內地做商場騷賺「人仔」，據知人氣旺的他近兩個月已接了十個商場騷，逾六位數字袋袋平安，但他有感現在的家居已十年沒裝修，故打算將這筆錢作裝修家居之用，讓最愛的媽媽有個五星級的家。他說：「會先搞掂我間房先，因為唔想成日喺廳睇DVD，嘈住阿媽，所以會喺房整一個私人小影院，咁阿媽就有安樂日子過。」過完農曆新年後，媽媽的房間及客廳才會展開裝修工程。

靠祖兒買「天后椅」

除花錢粉飾家居外，William又想買張按摩椅「箍」住常想出街的媽媽，事緣陳母近日常以腳痛為由，頻頻往深圳揼骨，令他非常擔心，他說：「佢去深圳一來一回都好辛苦啦，唔想佢成日出街，咪買張按摩椅畀佢囉。」他表示雖然按摩椅約數萬元一張，但相信以他和容祖兒的交情，定能買到張最抵的「天后椅」，他說：「祖兒係按摩椅代言人，梗係要打佢主意啦，我諗佢一定會畀個好大嘅折扣我。」

此外，William早前已榮升業主，現正靜待另一個入市好時機再當業主，問他屆時可會搬離九龍塘舊居？他揚言絕不會放棄現居的風水屋，皆因現址大利其事業運，買樓只屬投資保值。