「香蕉」王淑玲忍無可忍

已跟無綫終止經理人合約的味之天使「香蕉」王淑玲，仍不時客串電視劇及參與綜藝節目，近來跟王祖藍合作，被對方逗到笑不停，反而祖藍卻能忍笑，搞笑功力果然高人一等！

不經不覺，王淑玲（Vanko）已脫離無綫做了「自由人」兩個月，雖然她現在非「親生女」，但慶幸仍獲邀參與各類型的電視節目，拍綜藝節目出身的她近來有份演出《福祿壽大假光臨》，在節目中扮演王祖藍助手，其中有惡搞《萬凰之王》的情節，祖藍以多種搞笑表情讀出對白但能忍笑，反而身邊的人卻十分難忍，Vanko說：「我好鍾意笑，唔笑唔得，所以一見到祖藍扮嘢就忍笑忍得好辛苦，好多時都忍唔住笑咗出嚟！」

為家人做慳妹

性格開朗的Vanko認為較適合參演綜藝節目，但早前亦有客串《當旺爸爸》及《女警愛作戰》等電視劇，沒有經理人合約在身的她覺得有好有壞：「有經理人就有保障，感覺有人睇住，依家啲人就直接搵我，好多時要我直接同個客戶傾，要學識點樣同人溝通。」她表示收入不穩定，故賺了錢都不會揮霍：「就算有錢都唔可以大使，唔會買名牌，我仲要照顧屋企人，各種因素都唔容許我做一個揮霍嘅女仔！」