Kenny降呢受Steven玩

男子組合BOYZ最近接受《娛樂on Show》訪問，剖白組合由拆夥到個別發展之間的關係，經歷變遷後，他們坦言大家更合拍！

由關智斌（Kenny）及張致恒（Steven）組成的男子組合BOYZ，最近接受《娛樂on Show》主持俞詠文（Angela）及周吉佩的訪問，暢談入行經歷。兩子合作多年，原來甚少結伴出去玩：「我哋朋友圈子唔同，傾偈話題亦唔同，雖然一直同一間公司做嘢，不過未有單獨出街！」不過Kenny又搞笑地說：「佢依家責任心強咗，我降低Level同佢玩啦！」

提到新碟找來Kenny的緋聞男友張敬軒（軒仔）作歌，問到Steven又有甚麼貢獻？他笑說：「呢個係屬於大家嘅《張氏情歌》，我都有份㗎！」Angela笑指二人與軒仔Friend，Steven說：「當年我哋係同期新人、交情好，自然會搵佢幫手！」

時裝周促成合體

對於最近再次合體出碟，BOYZ解釋：「早前日本時裝周搵咗世界各地嘅男子組合表演，佢哋唔知我哋拆夥，因此再次出現BOYZ！我哋唔想唱番舊歌，所以搵軒仔作新歌，希望帶畀大家新鮮感！」相信新歌亦滿足到一班粉絲。