張智霖拍咀戲唔使備案
首次為動畫配音的張智霖（Chilam）昨日宣傳《無敵貓劍俠》，笑言是個配音天才的他是次卻被難倒，他說：「今次配咗三日，算耐㗎喇，原來都幾痛苦，因為要配得好驚險，又要叫，第一日失聲咁滯，但都幾有趣！」Chilam於前晚的新城頒獎禮上奪得兩獎，心情已平復的他說：「我諗都係留番畀觀眾享受個開心啦，我好似一個侍應咁，喺食客享受緊前菜或主菜時我就要準備定甜品，所以我要盡快準備下一個作品。呢個獎都係為唱片公司、歌迷而拎！」
問到來年會否投放更多時間在音樂上，他笑說：「希望可以擺多啲時間喺拍戲方面，今次配音算係一個開始！」又透露將於明年二月與劉心悠拍愛情電影，問到有否親熱戲？Chilam即搞笑地說：「最好啦！（使唔使報定案？）唔使啦，導演叫我做咩就做咩啦！佢（太太袁詠儀）都係一個專業演員，唔會介意。」
首次為動畫配音的張智霖直言有難度。