連詩雅冇同男友影密照
歌手連詩雅（Shiga）對畫畫及攝影充滿興趣，並輯錄成相簿記錄生活點滴，她說︰「因為人生發生好多事，你未必可以記得好清楚，所以得閒我會拎出嚟勾起我啲回憶。」她坦言未有與過往的男友拍密照︰「之前會同男友周圍去影相，甚至去好遠嘅地方食嘢，但只係影低當日嘅回憶，太過親密嘅應該冇。」
回想2011年，Shiga工作上非常充實，更有機會演戲，她說︰「上年出道只係唱歌，但今年可以拍戲，好開心可以學到嘢。因為我喺呢一行年資淺，所以想新一年嘗試更多嘅嘢。」雖然Shiga事業得意，但感情卻未有着落，問到找男友是否其新一年的願望？她笑說︰「呢啲隨緣啦，以前我係嗰啲戀愛大過天嘅人，但依家未必一定要有伴侶，身邊有知己已經足夠，加上我想放多啲時間喺工作上，真係冇時間去諗感情嘢。」
Shiga新一年會以工作為重，感情事會放在一邊。