姚子羚心急生仔
劇集《我的如意狼君》收視雖然普通，但姚子羚的表現卻令人眼前一亮，獲觀眾讚賞。她接受訪問時也坦言《我》劇是她拍劇以來的一個轉捩點：「其實個角色有啲似自己嘅，都係外冷內熱，所以演繹起嚟會自如好多，添哥選角係有佢嘅眼光，多謝添哥。」
姚子羚早前在呂慧儀婚禮上搶得花球，問到單身的她可有追求者﹖她說：「依家遇到嘅多數都係年紀細過我嘅，自己希望另一半年紀大過我，有一定人生經驗先會識得照顧人，期待緊真命天子出現。」她笑言急生BB多過急結婚：「女仔生BB有生理嘅限制，我好鍾意小朋友，唔一定要結咗婚先生仔，亦唔排除會閃婚。」
