Niki爭視后諗都冇諗

周麗淇（Niki）獲無綫金牌監製李添勝器重，多番邀請拍劇，雖然一直未能成功，但添哥拍《我的如意狼君》時指定周麗淇擔正女主角，Niki說：「添哥同我講點都唔會換人，就係呢句說話，我點都同佢拍。」

無綫金牌監製李添勝三番四次邀周麗淇合作，但因檔期問題一直未能成事。直到開拍劇集《我的如意狼君》，在李添勝堅持下，兩人終於首度合作。

Niki接受專訪時坦言合作成功全憑添哥一句話：「今次拍《我的如意狼君》都係因為添哥一句說話，佢同我講點都唔會換人，就係添哥呢句說話，我點都同佢拍。好多嘢係講緣分嘅，添哥咁堅持，我會好好珍惜呢次機會。」

重質唔重量

Niki在劇中演繹她拿手的感情戲，反映人性的內心戲充分顯示演技高低，問到是否有信心憑該劇爭「視后」？她說：「自己冇諗獎項，呢樣嘢計算唔到，拍戲唔係為獎，為咗畀觀眾睇。」

過往Niki為星途不停向前衝，經常接拍不同種類的電視劇，現在有一定資歷的她坦言不想太多產，她說：「以前密密做，依家希望可以重質唔重量，亦希望抽時間吸收新知識充實自己。」